Švajcarski list: Otkud bivšem gospodaru rata Haradinaju toliki novac?

0
213

Švajcarski list “Noje cirher cajtung” objavio je tekst u kojem piše o baškarenju kosovskog premijera za doček Nove godine uz dilemu: odakle njemu toliki novac?

“Nemoguće je sakriti se od političkih protivnika na Kosovu. To su prije deset godina iskusili svjedoci koji su htjeli da svjedoče protiv Ramuša Haradinaja, a onda zaćutali. Haradinaj je dvaput oslobođen optužbi za ratne zločine i danas je premijer zemlje. No sada je morao sam da shvati da je i dalje teško sačuvati tajne u ovom isprepletanom društvu velikih porodica”, piše “Noje cirher cajtung” u osvrtu na “misteriozno bogatstvo bivšeg gospodara rata”, prenosi “Dojče vele”.

Haradinaj je, naime, tiho proslavio Novu godinu sa suprugom, troje djece i nećakom u Švajcarskoj — ni manje ni više nego u hotelu “Karlton” u Sen Moricu.

“Povezanost sa Švajcarskom dijeli sa mnogim bivšim kadrovima gerilske trupe OVK. Prije nego što je u ratu 1998/99. postao ratni vođa regiona Dukađin, radio je u Romandiji kao izbacivač u noćnom klubu. Švajcarska je dakle logičan izbor za odmor”, piše list.

Ali otkud Sen Moric i otkud Karlton, pita se istraživački portal “Insajderi”.

“Za jednu noć u 160 kvadrata carskog apartmana, koji je Haradinaj navodno rezervisao, mora da se izbroji oko 5.000 franaka. Zajedno sa novogodišnjom večerom i drugim udobnostima je desetodnevni odmor navodno stajao oko 80.000 franaka. Portal prenosi da se tačan iznos ne može dati jer hotel ne daje podatke. I kabinet premijera ćuti. Tamo kažu da se radi o privatnim izdacima sa kojima država nema ništa”, piše portal.

Ciriški list podsjeća da je Haradinaj nedavno sebi podigao platu — tada je objasnio da ima troškove odijevanja u skladu sa funkcijom — te da je sada najplaćeniji premijer regiona.

“Ali i sa takvom zaradom je teško platiti odmor u Sen Moricu. Kao što rekosmo, na Kosovu je skoro nemoguće imati tajnu. Neriješena ostaje samo misterija otkud bogatstvo ljudima poput Ramuša Haradinaja”, zaključuje list.

tanjug

PODIJELI

OSTAVITI ODGOVOR

Please enter your comment!
Please enter your name here